இயக்குனர் ஷங்கர் இயக்கத்தில் ராம்சரண் நடிக்கும் புதிய படத்தில் வில்லனாக நடிக்க ஜெகபதி பாபு ஒப்பந்தம் ஆகியுள்ளார்.
பிரமாண்ட இயக்குனர் ஷங்கர் கமல்ஹாசன் நடித்து வரும் இந்தியன் 2 படத்தை இயக்கி வந்த நிலையில் திடீரென அந்த படத்தை கைவிட்டுவிட்டு தற்போது ராம்சரண் தேஜா நடித்த உள்ள தெலுங்கு படம் ஒன்றை இயக்கவுள்ளார். இந்த படத்தை தெலுங்கு சினிமாவின் முன்னணி தயாரிப்பாளராக இருந்து வரும் தில் ராஜு தயாரிக்க உள்ளார். இந்நிலையில் கியாரா அத்வானி அதிகாரப்பூர்வமாக ஒப்பந்தம் செய்யப்பட்டுள்ளார். லைகா உடனான பிரச்சனைகளை முடித்துவிட்டு ஷங்கர் ராம்சரண் தேஜாவின் படத்தை தற்போது தொடங்க உள்ளார்.
இந்நிலையில் இந்த படத்தில் வில்லனாக நடிக்க ஜெகபதி பாபு ஒப்பந்தம் ஆகியுள்ளாராம். விரைவில் இதுகுறித்த அப்டேட் வெளியாகும் என சொல்லப்படுகிறது. இந்த படத்துக்கு கதையை கார்த்திக் சுப்பராஜ் எழுதியுள்ளார் என்பது குறிப்பிடத்தக்கது.
