ஜெயம் ரவியின் 33 வது திரைப்படமான ‘காதலிக்க நேரமில்லை’ படத்தைக் கிருத்திகா உதயநிதி இயக்கிமுடித்துள்ளார். ஜெயம் ரவி மற்றும் நித்யா மேனன் முக்கிய கேரக்டரில் நடிக்கும் இந்த படத்தில் யோகி பாபு, மனோ, லட்சுமி ராமகிருஷ்ணன், ஜான் கொக்கன், வினோதினி உள்ளிட்ட பலர் நடிக்கின்றனர். ஏஆர் ரஹ்மான் இந்த படத்துக்கு இசையமைக்கிறார்.
சமீபத்தில் இந்த படத்தின் ஷூட்டிங் முடிந்த நிலையில் படத்தின் ஆடியோ உரிமையை டி சீரிஸ் நிறுவனம் கைப்பற்றியுள்ளது. இதையடுத்து படத்தின் முதல் சிங்கிள் பாடலான ‘என்னை இழுக்காதடி’ வெளியாகி மிகப்பெரிய அளவில் கவனம் பெற்றுள்ளது.
இந்த படம் காதலர் தினத்தை முன்னிட்டு ரிலீஸாகும் என தகவல்கள் வெளியாகின. இந்நிலையில் பொங்கலுக்கு வெளியாவதாக இருந்த ‘விடாமுயற்சி’ திரைப்படம் கடைசி நேரத்தில் பின் வாங்கியதால் இப்போது பொங்கல் ரிலீஸில் இணையும் வேலைகளில் ஈடுபட்டு வருவதாக சொல்லப்படுகிறது. ஏற்கனவே வீர தீர சூரன் திரைப்படமும் பொங்கலுக்கு வர முயற்சி செய்வதாக சொல்லப்படுகிறது.
