பர்மா, ஜாக்சன் துரை மற்றும் ராஜா ரங்குஸ்கி ஆகிய படங்களை இயக்கியவர் தரணிதரன். இவர் இயக்கத்தில் உருவான ஜாக்சன் துரை படத்தில் சிபிராஜ் மற்றும் சத்யராஜ் ஆகியோர் நடித்திருந்தனர். சத்யராஜ் இந்த படத்தில் பேய் வேடத்தில் நடித்திருந்தார். இந்த படம் நல்ல வரவேற்பைப் பெற்ற நிலையில் இப்போது இதன் இரண்டாம் பாகம் தற்போது உருவாகி வருகிறது.
இந்த பாகத்தில் சிபிராஜ் மற்றும் சத்யராஜ் மீண்டும் இணைந்து நடித்து வருகின்றனர். இந்த படம் சத்யராஜின் 250 ஆவது படமாக உருவாகி வருகிறது. இந்நிலையில் இப்போது இந்த படத்தின் முதல் லுக் போஸ்டர் வெளியிடப்பட்டு வைரல் ஆகி வருகிறது.
ஒரு கட்டத்தில் ஹீரோவாக நடிப்பதை நிறுத்திய சத்யராஜ், தமிழ், தெலுங்கு ஆகிய மொழிகளில் குணச்சித்திர வேடங்களில் நடித்து வந்தார். அவர் நடித்த பாகுபலி படம் அவரை இந்தியா முழுவதும் பிரபலமடைய செய்தது குறிப்பிடத்தக்கது.
