துணிவு கதையில் நடிக்க இருந்தது சூர்யாவா?... இது எப்ப நடந்தது

ஹெச் வினோத் இயக்கியுள்ள அஜித், மஞ்சு வாரியர் மற்றும் சமுத்திரக்கனி ஆகியோர் நடித்துள்ள துணிவு திரைப்படம் வரும் ஜனவரி 11 ஆம் தேதி ரிலீஸ் ஆக உள்ளது. அஜித்- வினோத் கூட்டணியின் மூன்றாவது திரைப்படம் இதுவாகும்.

இந்த படத்தின் மீது எக்கச்சக்கமான எதிர்பார்ப்பை அதன் ட்ரைலர் உருவாக்கியுள்ளது. இந்நிலையில் இப்போது ஹெச் வினோத் இந்த படக் கதையை முதலில் சூர்யாவுக்குதான் சொன்னார் என்று தகவல் வெளியாகியுள்ளது.

சதுரங்கவேட்டை முடித்ததும் இந்த கதையை சூர்யாவுக்கு சொல்லியுள்ளார். ஆனால் அப்போது சூர்யாவுக்கு இயக்குனர் வினோத் மேல் முழு நம்பிக்கை இல்லாததால் தயங்கினாராம். அதன் பின்னர் அஜித் வினோத்துக்கு தொடர்ந்து வாய்ப்புகள் அளிக்க, இப்போது துணிவு திரைப்படம் அஜித் நடிப்பில் வெளியாக உள்ளது.

முன்னதாக அஜித் நடிக்க இருந்த கஜினி திரைப்படத்தில் சூர்யா நடித்தார் என்பது குறிப்பிடத்தக்கது.