ராஜா ராணி திரைப்படத்தின் மூலம் அறிமுகமான அட்லி, அடுத்து தெறி, மெர்சல் மற்றும் பிகில் ஆகிய படங்களை இயக்கி முன்னணி இயக்குனராக ஆனார். அதையடுத்து இப்போது பிரபல பாலிவுட் நடிகர் ஷாருக்கான் நடிப்பில் உருவாகி வரும் ஜவான் திரைப்படத்தை இயக்கி வருகிறார். இந்த படம் அடுத்த ஆண்டு ஜூன் மாதம் ரிலீஸ் ஆக உள்ளது.
இந்த படத்தை முடித்ததும் அவர் மீண்டும் விஜய்யை இயக்க உள்ளாராம். இந்நிலையில் இந்த படத்தை மிக அதிக பொருட்செலவில் சன் பிக்சர்ஸ் நிறுவனம் தயாரிக்க உள்ளதாக சொல்லப்படுகிறது. இதற்கான பேச்சுவார்த்தையும் சமீபத்தில் நடந்ததாக சொல்லப்பட்டது.
ஆனால் இப்போது அந்த படத்தைக் கைப்பற்ற மெர்சல் உள்ளிட்ட படங்களின் தயாரிப்பாளர் தேனாண்டாள் முரளி கைப்பற்ற முயற்சி செய்வதாக சொல்லப்படுகிறது. மெர்சல் படத்தில் ஏற்பட்ட நஷ்டம் காரணமாக இந்த படத்தை தனக்கு வழங்குமாறு அவர் கேட்க முயற்சி செய்ய உள்ளதாக சொல்லப்படுகிறது.
