ரஜினியின் ‘கூலி’ படத்திற்கு ‘ஏ’ சான்றிதழ் கொடுத்த சென்சார்.. வன்முறை அதிகமா?

சூப்பர் ஸ்டார் ரஜினிகாந்த் நடித்துள்ள 'கூலி' திரைப்படம் வரும் ஆகஸ்ட் 14-ஆம் தேதி சுதந்திர தின விருந்தாக வெளியாகவுள்ள நிலையில், படத்துக்கு சென்சார் அதிகாரிகள் 'ஏ' சான்றிதழ் வழங்கியுள்ளனர். இந்தத் தகவல் திரையுலகில் பரபரப்பை ஏற்படுத்தியுள்ளது.

லோகேஷ் கனகராஜ் இயக்கத்தில் உருவாகியுள்ள 'கூலி' படத்தில், ரஜினிகாந்துடன் அமீர்கான், நாகார்ஜுனா, சத்யராஜ், சுருதிஹாசன் உள்ளிட்டோர் நடித்துள்ளனர். இந்த படத்துக்கு அனிருத் இசையமைத்துள்ளார்.

நாளை சென்னையில் இந்த படத்தின் விளம்பர நிகழ்வு நடைபெறவுள்ள நிலையில், சென்சார் சான்றிதழ் வழங்கப்பட்டுள்ளது. படத்தில் அதிக அளவிலான வன்முறை மற்றும் அதிரடி ஆக்சன் காட்சிகள் இருப்பதால், 'ஏ' சான்றிதழ் கொடுக்கப்பட்டிருப்பதாக தகவல்கள் தெரிவிக்கின்றன.

லோகேஷ் கனகராஜ் இயக்கிய முந்தைய படங்கள் அனைத்துக்கும் 'யு/ஏ' சான்றிதழ்கள் வழங்கப்பட்ட நிலையில், 'கூலி'தான் அவரது முதல் 'ஏ' சான்றிதழ் படம் என்பது குறிப்பிடத்தக்கது.

'கூலி' திரைப்படம், வெளியாகும் நாளிலிருந்து ரசிகர்களுக்கு ஒரு புதிய திரையரங்க அனுபவத்தைத் தரும் என எதிர்பார்க்கப்படுகிறது.

Edited by Siva