நடிகர் அஜித்குமார் கார் ரேஸில் கலக்கி வரும் நிலையில் அவரது மகன் ஆத்விக் ஓட்டப்பந்தயத்தில் கவனிக்கதக்க அளவில் கலக்கி வருகிறார்.
தமிழ் சினிமாவில் பிரபல நடிகராக இருப்பவர் அஜித்குமார். லட்சக்கணக்கான ரசிகர்களை கொண்ட நடிகராக இருந்தும் ரசிகர் மன்றங்கள் வைத்துக் கொள்ளாமல், படம் நடிப்பதை தவிர்த்து தனது தனிப்பட்ட வாழ்க்கையை மகிழ்ச்சிகரமாக வாழ்ந்து வருகிறார் அஜித்குமார். கார், பைக் ரேஸ்களில் பிரியம் கொண்ட அஜித்குமார் சமீபத்தில் அஜித்குமார் ரேஸிங் என்ற கார் ரேஸ் நிறுவனத்தை தொடங்கி துபாயில் நடந்த கார் ரேஸில் மூன்றாவது இடத்தை பிடித்தார்.
இப்படி அஜித்குமார் கார் ரேஸில் கலக்கி வரும் நிலையில் மகன் ஆத்விக் ஓட்டப்பந்தயத்தில் கலக்கியுள்ளார். சமீபத்தில் நடந்த ஓட்டப்பந்தய போட்டியில் ஆத்விக் முதல் இடத்தை பிடித்துள்ளார். இந்த வீடியோவை அஜித்தின் மனைவி ஷாலினி பகிர்ந்த நிலையில் அஜித் ரசிகர்கள் ‘புலிக்கு பிறந்தது பூனையாகுமா?’ என ஆத்விக்கிற்கு தங்களது அன்பான வாழ்த்துகளை தெரிவித்து வருகின்றனர்.
Edit by Prasanth.K
