தமிழ் இசையமைப்பாளர் இளையராஜாவின் பாடல் ஒன்றை விண்வெளிக்கு அனுப்ப இஸ்ரோ திட்டமிட்டுள்ளதாக செய்திகள் வெளியாகியுள்ளது.
ஆண்டுதோறும் விண்வெளிக்கு பல செயற்கைக்கோள்கள் செலுத்தப்பட்டு வரும் நிலையில் சமீப காலங்களில் மாணவர்கள் தயாரிக்கும் சிறிய அளவிலான செயற்கைக் கோள்களும் விண்ணில் செலுத்தப்பட்டு வருகின்றன.
அந்த வகையில் சமீபத்தில் மிகவும் சிறிய செயற்கைக்கோளை தயாரித்து சாதனை படைத்த மாணவர்கள் அமைப்பு புதிய குட்டி செயற்கைக் கோளை தயாரித்துள்ளனர். அதில் இளையராஜா இசையமைத்த பாடல் ஒன்று இடம்பெற உள்ளது. இந்தியாவின் 75வது சுதந்திர தினத்தை முன்னிட்டு இளையராஜா இசையமைத்த தேச ஒற்றுமைக்கான இந்தி பாடலை இஸ்ரோ உதவியுடன் விண்வெளிக்கு அனுப்ப உள்ளனர். இந்த பாடலை தமிழிலும் வெளியிட இளையராஜா திட்டமிட்டு வருவதாக தகவல்கள் வெளியாகியுள்ளது. இந்த செய்தி இளையராஜா ரசிகர்களை மகிழ்ச்சியில் ஆழ்த்தியுள்ளது.
