ராஜமௌலி இயக்கத்தில் ராம்சரண், ஜூனியர் என்.டி.ஆர், ஆல்யா பட், அஜய் தேவ்கன் உள்ளிட்டோர் நடித்து வெளியான படம் ஆர்.ஆர்.ஆர். உலகம் முழுவதும் பெரும் ஹிட் அடித்த இந்த படம் மொத்தமாக 1000 கோடிக்கும் மேல் வசூல் செய்து பெரும் வசூல் சாதனையையும் படைத்தது. நேரடியாக போட்டி பிரிவில் ஆஸ்கருக்கு இந்த படத்தை பல பிரிவுகளில் நாமினேட் செய்தனர் படக்குழு. இதையடுத்து நாட்டு நாட்டு பாடலுக்கு சிறந்த ஒரிஜினல் பாடலுக்கான ஆஸ்கர் விருது வழங்கப்பட்டது.
இந்த படத்தில் சர் ஸ்காட் என்ற ஆங்கிலேய அதிகாரி வேடத்தில் நடித்திருந்தார் ரே ஸ்டீவன்ஸன். ஹாலிவுட்டிலும் தோர் உள்ளிட்ட பல படங்களில் நடித்துள்ள அவர் இப்போது காலமாகியுள்ளார். அதையடுத்து இப்போது ஆர் ஆர் ஆர் படக்குழு அஞ்சலி தெரிவித்துள்ளது.
