ஹிப்ஹாப் தமிழா ஆதி ரசிகர்களுக்கு ஒரு மகிழ்ச்சியான செய்தி. அவர் இயக்கி நடித்த ‘மீசையை முறுக்கு படத்தின் இரண்டாம் பாகம் தற்போது தொடங்கப்பட்டுள்ளது. இந்த படத்தையும் ஆதியே இயக்கி நடிக்கிறார். சுந்தர்.சி மற்றும் ஹிப்ஹாப் ஆதி இருவரும் இணைந்து இந்த படத்தை தயாரிக்கின்றனர்.
‘மீசையை முறுக்கு திரைப்படம், 2017-ல் வெளியாகி இளைஞர்கள் மத்தியில் பெரும் வரவேற்பை பெற்றது. இந்த படம், காதல், நட்பு, இசை, மற்றும் குடும்ப உணர்வுகளை பேசும் ஒரு இளைஞர்களுக்குப் பிடித்த படமாக அமைந்தது.
‘மீசையை முறுக்கு முதல் பாகத்தின் வெற்றிக்கு பிறகு, அதன் தொடர்ச்சி எப்போது வரும் என ரசிகர்கள் ஆவலுடன் எதிர்பார்த்திருந்தனர். அவர்களின் எதிர்பார்ப்பை பூர்த்தி செய்யும் விதமாக, ‘மீசையை முறுக்கு 2 படத்தின் படப்பிடிப்பு நேற்று முதல் தொடங்கியுள்ளது. முதல் பாகத்தை போலவே, இந்த படமும் இளைஞர்களை கவரும் வகையில் இருக்கும் என எதிர்பார்க்கப்படுகிறது.
‘மீசையை முறுக்கு படத்திற்கு பிறகு, நட்பே துணை, நான் சிரித்தால், வீரன் உள்ளிட்ட படங்களில் ஆதி நடித்து, இசையமைத்து, இயக்கியுள்ளார். தற்போது, அவரது இயக்கத்தில் உருவாகும் இந்த புதிய படம், மீண்டும் ஒரு வெற்றியை பெறும் என எதிர்பார்க்கப்படுகிறது.
