நடிகைகள் கௌரி கிஷனும், அனகாவும் ஓரின சேர்க்கையாளர்களுக்கு ஆதரவாக உருவாகியுள்ள இசை ஆல்பத்திற்காக இணைந்துள்ளனர்.
ஆம், மகிழினி எனும் பெயரில் ஓரின சேர்க்கையாளர்களுக்கு ஆதரவாக உருவாகியுள்ள ப்டாலில் இவர்கள் நடித்துள்ளனர். இதனை வி ஜி பாலசுப்ரமணியன் எழுதி இயக்கியுள்ளார். கோவிந்த் வசந்தாவின் இசையில், மதன் கார்க்கியின் பாடல் வரிகளில் இப்பாடல் வெளியாகியுள்ளது.
பெண்கள் இருவருக்கும் இடையேயான உறவு குறித்து அவர்களது குடும்பத்தினரை புரிந்துகொள்ள வைப்பதற்காக எடுக்கும் முயற்சிகளில் அவர்கள் எப்படி வெற்றி பெறுகிறார்கள் என்பதே ஆறு நாட்களில் படமாக்கப்பட்ட மகிழினி ஆல்பத்தின் கருவாகும்.