ப்ளாக்பஸ்டரா? கேம் ஓவரா? குவிந்து வரும் விமர்சனங்கள்! - எப்படி இருக்காம் கேம் சேஞ்சர்?

இன்று ஷங்கர் இயக்கத்தில் ராம்சரண் நடித்த கேம் சேஞ்சர் படம் வெளியான நிலையில் சமூக வலைதளங்களில் வைரலாகி வரும் ஹேஷ்டேக் அதிர்ச்சியை ஏற்படுத்தியுள்ளது.

இயக்குனர் ஷங்கர் இயக்கத்தில் ராம்சரண், கியாரா அத்வானி, எஸ்.ஜே.சூர்யா உள்ளிட்ட பலர் நடித்து இன்று வெளியான படம் கேம் சேஞ்சர். ஒரு அரசியல் வாதிக்கும், ஐஏஎஸ் அதிகாரிக்கும் இடையே நடக்கும் சண்டையை மையமாக கொண்ட இந்த கதையை மதுரை கலெக்டர் ஒருவரின் நிஜக்கதையை மையப்படுத்தி கார்த்திக் சுப்புராஜ் எழுதியுள்ளதாக தகவல்கள் வெளியானது.

இன்று இந்த படம் தமிழ், தெலுங்கு, இந்தி உள்ளிட்ட பிராந்திய மொழிகளில் வெளியான நிலையில் கலவையான வரவேற்பை பெற்று வருவதாக தகவல்கள் வெளியாகியுள்ளது. மேலும் படம் பார்த்த பலர் எக்ஸ் உள்ளிட்ட சமூக வலைதளங்களில் Game Over என்ற ஹேஷ்டேகை ட்ரெண்ட் செய்து வருகின்றனர்.

ஆனால் அதேசமயம் படத்திற்கான வரவேற்பும் அதற்கு சமமான அளவிலேயே இருந்து வருகிறது. கேம் சேஞ்சரில் வரும் அப்பண்ணா (ராம்சரண்) கதாப்பாத்திரம், ரங்கஸ்தலம் படத்தில் வரும் சிட்டி பாபு கதாப்பாத்திரத்தை நினைவுப்படுத்தும் ஒரு அழுத்தமாக கதாப்பாத்திரமாக உள்ளதாக சிலர் கூறியுள்ளனர்.

ராம் நந்தன் ஐஏஎஸ்- ஆக வரும் ராம்சரண் கதாப்பாத்திரமும் ஆக்‌ஷனில் பிண்ணி எடுப்பதோடு, அரசியல்வாதிகளின் சூழ்ச்சியை வசனங்களில் பிரித்து எடுப்பதும் பலரால் ரசிக்கப்பட்டுள்ளது.

படத்தின் கதை ஆழமானதாக இருக்கும்போதிலும் நீண்ட நேரம் இடம்பெறும் ஆக்‌ஷன் சண்டை காட்சிகள் சற்று அயற்சி அளிப்பதாகவும், ஆனால் அது தவிர்த்து படத்தின் ஓட்டம் விறுவிறுப்பாகவே உள்ளதாகவும் பலரும் கருத்து தெரிவித்து வருகின்றனர்.

Edit by Prasanth.K