இயக்குனர் மற்றும் நடிகர் விக்னேஷ் கார்த்திக் இயக்கும் புதிய படத்தில் ஜி வி பிரகாஷ் குமார் நடிக்க உள்ளார்.
தமிழ் சினிமாவில் நடிப்பு மற்றும் இசை என இரட்டைக் குதிரைகளில் வெற்றிகரமாக சவாரி செய்பவர் ஜி வி பிரகாஷ். சமீபத்தில் இவர் நடித்த படங்கள் பெரிய அளவில் வெற்றி பெறவில்லை. ஆனால் ஐங்கரன் உள்ளிட்ட படங்கள் விமர்சன ரீதியாக நல்ல வரவேற்பைப் பெற்றன. இந்நிலையில் இப்போது அவர் தொகுப்பாளர் மற்றும் இயக்குனர் விக்னேஷ் கார்த்திக் இயக்கத்தில் ஒரு படத்தில் நடிக்க உள்ளார்.
விக்னேஷ் கார்த்திக் ஐஸ்வர்யா ராஜேஷ் நடித்து பிளான் பி திரைப்படத்தை இயக்கியவர். ஜி வி பிரகாஷுடன் இருக்கும் புகைப்படத்தை வெளியிட்டு விரைவில் அதிகாரப்பூர்வ அறிவிப்பு வெளியாகும் என கூறியுள்ளார். ஜி வி பிரகாஷ் நடிப்பில் அடுத்து இடிமுழக்கம் திரைப்படம் ரிலீஸாக உள்ளது.
