தமிழ் சினிமாவில் நடிகராகவும், இசையமைப்பாளராகவும் வெற்றி பெற்றவர் ஜி வி பிரகாஷ். அவர் இசையமைப்பில் விரைவில் அவரின் 100 ஆவது படம் பற்றிய அறிவிப்பு வெளியாகும் என எதிர்பார்க்கப்படும் நிலையில், நடிகராகவும் 25 படங்கள் என்ற மைல்கல்லை கிங்ஸ்டன் படம் மூலமாக எட்டியுள்ளார்.
இந்நிலையில் இப்போது அவர் பாலிவுட் இயக்குனர் அனுராக் காஷ்யப் இயக்கும் புதிய படம் ஒன்றில் நடிக்க உள்ளார். இந்த வெப் சீரிஸை ஜியோ சினிமாஸ் தயாரிக்க உள்ளதாக சொல்லப்படுகிறது. இந்த படத்தின் ஷூட்டிங் மே மாதம் 14 ஆம் தேதி தொடங்க உள்ளதாக சொல்லப்படுகிறது.
இந்த படத்தின் மூலம் இந்தி சினிமாவில் நடிகராக அறிமுகமாகிறார் ஜி வி பிரகாஷ். இந்த படம் தமிழிலும் டப் ஆகி வெளியாகும் என சொல்லப்படுகிறது.