புதிய இயக்குனர்கள் வருவதை வரவேற்கிறேன்.... பிக்பாஸ் பிரபலம்

கே.எஸ்.ரவிக்குமார் மற்றும் கமல்ஹாசனிடம் உதவி இயக்குநராக இருந்தவர் சேரன். இவர் பாரதி கண்ணம்மா என்ற படத்தின் மூலம் இயக்குநரானார். பின்னர், பொற்காலம், ஆட்டோகிராஃப், உள்ளிட்ட படங்களை இயக்கியுள்ளார். ஹீரோவாகவும் நடித்துள்ளார்.

தமிழகத்தில், பிரபல தனியார் தொலைக்காட்சியில் நடிகர் கமல்ஹாசன் தொகுத்து வழங்கிய

'பிக் பாஸ் சீசன் – 3 'நிகழ்ச்சியில் சேரன் கலந்துகொண்டு மக்களிடம் பிரபலமானார்.

இந்நிலையில், இவர் தனது டுவிட்டர் பக்கத்தில் ஒரு பதிவிட்டுள்ளார்.அதில், உலகிலேயே எனக்கு கிடைத்த சந்தோசங்களில் முக்கியமானதும் முதன்மையானதும் நான் இயக்குனரானதுதான்மா... நான் என் கடைசி காலங்கள் வரை திரைப்படங்கள் இயக்கிக்கொண்டே இருக்க நினைக்கிறேன்.. வளரும் சமூகத்தில் இருந்து புதிய சிந்தனையுள்ள இயக்குனர்கள் வருவதை வரவேற்கிறேன்..

#HappyDirectorsDay எனப் பதிவிட்டுள்ளார்.