நடிகர் துருவ் விக்ரம் நடித்துள்ள மகான் திரைப்படம் நேற்று ப்ரைம் வீடியோவில் நேரடியாக வெளியாகியுள்ளது.
நடிகர் துருவ் விக்ரம் தனது இரண்டாவது படமான மஹான் படத்தை நடித்து முடித்துள்ளார். அடுத்ததாக அவர் மாரி செல்வராஜ் இயக்கத்தில் நீலம் புரொடக்ஷன்ஸ் நிறுவனத்துக்காக ஒரு படத்தில் நடிக்க உள்ளார். இந்நிலையில் மகான் படத்தின் ப்ரமோஷன் பணிகளில் கலந்துகொண்ட அவர் விஜய்யின் மகனின் சஞ்சய் உடனான நட்பு குறித்து பேசியுள்ளார்.
அதில் ‘சஞ்சய்யும் நானும் சிறுவயது முதலே நண்பர்கள். அவர் நல்ல கதையுடன் வந்தால் அதில் நடிக்க தயாராக இருக்கிறேன். அப்படி நடந்தால் பாலிவுட் போல வாரிசுகள் இணைந்து நடிக்கும் படமாக அது இருக்கும்’ எனக் கூறியுள்ளார். சஞ்சய் கனடாவில் திரைக்கதை மற்றும் திரைப்பட இயக்கம் சம்மந்தமான பட்டப்படிப்பை முடித்துள்ளார் என்பது குறிப்பிடத்தக்கது.
