நடிகர்கள் அசோக் செல்வன் மற்றும் சரத்குமார் ஆகியோர் முக்கிய வேடங்களில் நடித்து விக்னேஷ் ராஜா இயக்கிய திரைப்படம் போர்த் தொழில். கடந்த 2022 ஆம் ஆண்டு வெளியான இந்த படம் மிகப்பெரிய வெற்றிப்படமாக அமைந்தது. திரையரங்குகள் மூலமாக மட்டும் 50 கோடி ரூபாய் அளவுக்கு வருவாய் ஈட்டியது.
இதையடுத்து கவனிக்கப்படும் இயக்குனராக உருவான விக்னேஷ் ராஜா அடுத்து தனுஷை வைத்து ஒரு படம் இயக்க ஒப்பந்தம் ஆனார். இந்த படத்தை வேல்ஸ் இண்டர்நேஷனல் நிறுவனம் தயாரிக்க ஒப்பந்தம் ஆனது. இப்போது அந்த படத்துக்கான திரைக்கதை அமைக்கும் பணிகள் நடந்து வருகின்றன. ஏப்ரல் மாதத்தில் ஷூட்டிங் தொடங்கும் என சொல்லப்படுகிறது.
இந்நிலையில் இந்த படத்தில் கதாநாயகியாக நடிக்க பிரபலக் கதாநாயகி மமிதா பைஜு ஒப்பந்தம் ஆகியுள்ளதாக சொல்லப்படுகிறது. தற்போது விஜய்யின் ஜனநாயகன் மற்றும் விஷ்ணு விஷாலின் ‘இரண்டு வானம்’ ஆகியப் படங்களில் கதாநாயகியாக நடித்து வருகிறார்.
