தனுஷின் இட்லி கடை பட ஷூட்டிங் பாதியிலேயே நிறுத்தம்… காரணம் என்ன?

பவர் பாண்டி மற்றும் ராயன் ஆகிய படங்களை இயக்கிய தனுஷ் அடுத்து புதுமுகங்களை வைத்து ‘நிலவுக்கு என் மேல் என்னடி கோபம்’ என்ற படத்தை இயக்கி வருகிறார். இந்த படத்தின் ஷூட்டிங் நிறைவடைந்துள்ளது. இதையடுத்து   தனுஷ் மீண்டும் இட்லி கடை என்ற படத்தை இயக்கி நடிக்கிறார். இந்த படத்தின் ஷூட்டிங் தேனி உள்ளிட்ட தனுஷின் சொந்த ஊர்ப் பகுதிகளில் தொடங்கி நடந்தது.

இந்த படத்தில் பல முன்னணி நடிகர்கள் நடித்து வருகின்றனர். படத்தில் ராஜ்கிரண், சத்யராஜ், நித்யா மேனன் மற்றும் அருண் விஜய் ஆகியோர் முக்கிய வேடத்தில் நடிக்கின்றனர். படத்தின் பெரும்பாலானக் காட்சிகள் தேனி மற்றும் அதன் சுற்று வட்டாரப் பகுதிகளில் நடந்தது. அடுத்த கட்ட ஷூட்டிங் பாங்காங்கில் நடக்கவுள்ளது.

இந்நிலையில் படத்தின் முக்கியமானக் காட்சிகளை தேனி சுற்றுவட்டாரப் பகுதிகளை தனுஷ் நடத்திவந்தார். இந்நிலையில் தனுஷுக்கு உடல்நிலை சரியில்லாத காரணத்தால் ஆக்‌ஷன் காட்சிகளில் நடிக்க முடியாது என்பதால் தற்போது ஷூட்டிங் தள்ளிவைக்கப்பட்டுள்ளதாக சொல்லப்படுகிறது. மீண்டும் ஜனவரி மாதத்தில் ஷூட்டிங் மீண்டும் தொடங்கவுள்ளதாக சொல்லப்படுகிறது.