தெலுங்கு சினிமாவின் முன்னணி நடிகர் ராம்சரண். இவர் இவர் நடிப்பில் வெளியான ஆர் ஆர் ஆர் திரைப்படம் 1000 கோடி ரூபாய்க்கு மேல் வசூல் செய்தது. தற்போது, அவர் ஷங்கர் இயக்கத்தில் கேம்சேஞ்சர் என்ற படத்தில் நடித்து வருகிறார்.
இதையடுத்து ராம்சரண் உப்பென்னா படத்தின் இயக்குனர் புச்சிபாபு சனா இயக்கத்தில் ஒரு படத்தில் நடிக்க உள்ளார். இந்த படத்தை தற்போது RC16 என அழைத்து வருகின்றனர். இந்நிலையில் இந்த படத்தில் கதாநாயகியாக ஜான்வி கபூர் இணைந்துள்ளார். இதை மைத்ரி மூவி மேக்கர்ஸ் நிறுவனம் அதிகாரப்பூர்வமாக அறிவித்துள்ளார்.
இந்த படத்தில் வில்லனாக நடிக்க விஜய் சேதுபதியிடம் பேச்சுவார்த்தை நடத்தப்பட்டது. ஆனால் அவர் நடிக்க மறுத்துவிட்டதாக சொல்லப்படுகிறது. இந்நிலையில் சமீபத்தில் ஐதராபாத்தில் நடந்த விடுதலை 2 படத்தின் ப்ரமோஷன் நிகழ்ச்சியில் அவர் கலந்துகொண்ட போது இது சம்மந்தமாகக் கேள்விகள் எழுப்பப்பட்டன.
அதற்கு விஜய் சேதுபதி ‘அந்த படத்தின் கதை சிறப்பாக அமைந்துள்ளது. ஆனால் என்னுடைய கதாபாத்திரம் சிறப்பாக அமையவில்லை என எனகுத் தோன்றியதால் நான் அதில் நடிக்கவில்லை. மேலும் நான் சில பாடங்களைக் கற்றுக் கொண்டிருக்கிறேன்.” என்றும் கூறியுள்ளார். தொடர்ந்து பல படங்களில் வில்லனாக விஜய் சேதுபதி நடித்ததால் அவர் ஹீரோவாக நடிக்கும் படங்களின் வியாபாரம் பாதிக்கப்படுவதால் அவர் வில்லனாக நடிப்பதில்லை என்ற முடிவை எடுத்துள்ளதாக ஒரு நேர்காணலில் பகிர்ந்திருந்தார் என்பது குறிப்பிடத்தக்கது.
