பாங்காங்கில் அடுத்த கட்ட ஷூட்டிங்… பொங்கலைக் கொண்டாடிவிட்டு கிளம்பும் ‘இட்லி கடை’ படக்குழு!

பவர் பாண்டி மற்றும் ராயன் ஆகிய படங்களை இயக்கிய தனுஷ் அடுத்து புதுமுகங்களை வைத்து ‘நிலவுக்கு என் மேல் என்னடி கோபம்’ என்ற படத்தை இயக்கி வருகிறார். இந்த படத்தின் ஷூட்டிங் நிறைவடைந்துள்ளது. இதையடுத்து   தனுஷ் மீண்டும் இட்லி கடை என்ற படத்தை இயக்கி நடிக்கிறார். இந்த படத்தின் ஷூட்டிங் தேனி உள்ளிட்ட தனுஷின் சொந்த ஊர்ப் பகுதிகளில் தொடங்கி நடந்தது.

இந்த படத்தில் பல முன்னணி நடிகர்கள் நடித்து வருகின்றனர். படத்தில் ராஜ்கிரண், சத்யராஜ், நித்யா மேனன் மற்றும் அருண் விஜய் ஆகியோர் முக்கிய வேடத்தில் நடிக்கின்றனர். படத்தின் பெரும்பாலானக் காட்சிகள் தேனி மற்றும் அதன் சுற்று வட்டாரப் பகுதிகளில் நடந்தது. அடுத்த கட்ட ஷூட்டிங் பாங்காங்கில் ஜனவரி இறுதியில் தொடங்கவுள்ளதாக சொல்லப்படுகிறது. படம் ஏப்ரல் 10 ஆம் தேதி ரிலீஸ் ஆகும் என அறிவிக்கப்பட்டுள்ளது.

இந்த படத்தின் முக்கியமான சிலக் காட்சிகள் பாங்காக்கில் படமாக்கப்பட உள்ளன. இதற்காக படக்குழு ஜனவரி 19 ஆம் தேதி பாங்காக் செல்கிறது. அங்கு கிட்டத்தட்ட  10 நாட்கள் படப்பிடிப்பு நடத்தப்பட உள்ளதாக சொல்லப்படுகிறது. அதன் பிறகு இறுதிகட்ட படப்பிடிப்பு சென்னையில் நடக்க உள்ளதாக சொல்லப்படுகிறது.