இயக்குனர் அருண் மாதேஸ்வரன் ராக்கி மற்றும் சாணி காகிதம் ஆகிய படங்களுக்கு அடுத்து தனது மூன்றாவது படமான கேப்டன் மில்லர் படத்தை தனுஷை வைத்து இயக்கி வருகிறார். இந்த படத்தை சத்யஜோதி பிலிம்ஸ் தயாரித்து வருகிறது. இந்த படத்துக்கு ஜி வி பிரகாஷ் இசையமைக்கிறார்.
தென்தமிழகத்தில் நடந்த ஷூட்டிங் சமீபத்தில் நிறைவடைந்ததாக சொல்லப்படுகிறது. சமீபத்தில் படத்தின் முதல் லுக் போஸ்டர் ரிலீஸ் ஆனது. இந்நிலையில் இன்று தனுஷின் பிறந்தநாளை முன்னிட்டு கேப்டன் மில்லர் படத்தின் டீசர் வெளியாகியுள்ளது. மேலும் படத்தின் ரிலீஸ் தேதி டிசம்பர் 15 என்றும் அறிவிக்கப்பட்டுள்ளது.
இந்நிலையில் இந்த படத்தின் இசையமைப்பாளர் ஜி வி பிரகாஷ்குமார் படத்தின் பாடல்கள் பற்றிய அப்டேட்டைக் கொடுத்துள்ளார். அதில் “கேப்டன் மில்லர் படத்தின் முதல் பாடல் சிறப்பாக வந்துள்ளது. அந்த பாடலுக்கு இரண்டு பெரிய நடிகர்கள் நடனமாடியுள்ளனர் என்பது சிறப்பான ஒன்றாக அமைந்துள்ளது” எனக் கூறியுள்ளார்.
