நாளை முதல் கனடாவில் திரையரங்குகள் மூடல்: ‘வலிமை’க்கு பாதிப்பா?

கொரோனா வைரஸ் பாதிப்பு காரணமாக உலகின் பல நாடுகளில் திரையரங்குகள் மூடப்பட்டு வரும் நிலையில் நாளை முதல் கனடாவில் உள்ள ஒரு சில நகரங்களில் திரையரங்குகள் மூடப்படும் என தகவல்கள் வெளிவந்துள்ளது பெரும் பரபரப்பை ஏற்படுத்தி உள்ளது. 

வரும் 13ஆம் தேதி அஜித் நடித்த வலிமை திரைப்படம் உலகம் முழுவதும் வெளியாக இருக்கும் நிலையில் கனடாவில் திரையரங்குகள் மூடப்படும் என்ற தகவல் அந்த படத்தின் வசூலுக்கு மிகப்பெரிய பாதிப்பை ஏற்படுத்தும் என்று எதிர்பார்க்கப்படுகிறது. 

இருப்பினும் வலிமை திரைப்படம் திட்டமிட்டபடி ஜனவரி 13-ஆம் தேதி உலகம் முழுவதும் வெளியாகும் என்றும் திரைப்படத்தின் ரிலீஸ் முடிவில் இருந்து பின்வாங்க போவதில்லை என்றும் படக்குழுவினர் தகவல் தெரிவித்துள்ளனர்

இந்த நிலையில் நார்வே நாட்டில் வலிமை திரைப்படம் ரிலீஸ் ஆகும் என அந்நாட்டின் முக்கிய திரைப்பட விநியோகஸ்தர் ஒருவர் தகவல் தெரிவித்துள்ளார் என்பது குறிப்பிடத்தக்கது.