இசைஞானி இளையராஜாவின் வாழ்க்கை வரலாற்று திரைப்படம் ‘இளையராஜா’ என்ற பெயரில் உருவாகவுள்ளதாக கயந்த ஆண்டு அறிவிக்கப்பட்டது. இந்த படத்தை இளையராஜாவோடு இணைந்து கனெக்ட் மீடியா தயாரிப்பதாகவும், தனுஷ் இளையராஜாவாக நடிக்க, அருண் மாதேஸ்வரன் இயக்கவுள்ளதாகவும் அறிவிக்கப்பட்டது. ஆனால் அதன் பிறகு ஒரு ஆண்டு ஆகிவிட்ட நிலையிலும் இப்போது வரை ஷூட்டிங் தொடங்கவில்லை.
தற்போது இந்த படத்தைத் தொடங்குவதில் சிக்கல் எழுந்து கிடப்பில் போடப்பட்டுள்ளதாக சொல்லப்படுகிறது. இதனால் இப்போது இயக்குனர் அருண் மாதேஸ்வரன் ஒரு இந்திப் படத்தை இயக்க ஒப்பந்தம் ஆகியுள்ளதாக சொல்லப்படுகிறது. அதற்கான பேச்சுவார்த்தைகளில் அவர் ஈடுபட்டு வந்தார்.
இந்நிலையில் அருண் மாதேஸ்வரன் இயக்கும் இந்தி படத்தில் அக்ஷய் குமார் கதாநாயகனாக நடிக்கவுள்ளதாக தகவல் வெளியாகியுள்ளன. விரைவில் இந்த படத்தின் அதிகாரப்பூர்வ அறிவிப்பு வெளியாகலாம் என சொல்லப்படுகிறது.
