அருள்நிதி நடித்துள்ள தேஜாவு திரைப்படம் கடந்த ஆண்டே முடிந்தாலும் ரிலீஸ் தாமதமாகி வந்தது.
தமிழ் சினிமாவில் டிமாண்டி காலணி, ஆறாவது சினம் உள்ளிட்ட வித்தியாசமான கதைகளங்களை கொண்ட படங்களில் நடித்து வருபவர் அருள்நிதி. இவர் நடிப்பில் தற்போது டி ப்ளாக் மற்றும் தேஜாவு ஆகிய படங்கள் ரிலீஸுக்கு தயாராக உள்ளன.
டி ப்ளாக் படத்தின் ட்ரெய்லரை தொடர்ந்து தற்போது தேஜாவு பட டீசர் வெளியாகியுள்ளது. இந்த படத்தில் அருள்நிதி முதன்முறையாக போலீஸ் அதிகாரியாக நடித்துள்ளார். அருள்நிதியுடன் ஸ்மிருதி வெங்கட், மதுபாலா, அச்யுத் குமார், ராகவ் விஜய் உள்ளிட்ட பலர் நடித்துள்ளனர். இந்த படத்தை அரவிந்த் ஸ்ரீனிவாசன் இயக்கியுள்ளார். ஜிப்ரான் இசையமைத்துள்ளார்.
இந்த படம் கடந்த ஆண்டே முடிந்து ரிலீஸுக்கு தயாரானது. ஆனால் சில பல காரணங்கள் ரிலீஸ் தள்ளிச் சென்றது. இந்நிலையில் தற்போது ஜூன் மாதத்தில் இந்த திரைப்படம் ரிலீஸாகும் என அறிவிக்கப்பட்டுள்ளது. இந்த படத்தின் தொலைக்காட்சி உரிமையைக் கலர்ஸ் தமிழ் கைப்பற்றியுள்ளதாகவும் அறிவிக்கப்பட்டுள்ளது.
