சித்தார்த் படத்தில் இசையமைப்பாளராக அறிமுகம் ஆகும் பாம்பே ஜெயஸ்ரீ மகன் அம்ரீத்!

8 தோட்டாக்கள் படத்தின் மூலம் கவனம் ஈர்த்த இயக்குனர் ஸ்ரீகணேஷ், அந்த படத்துக்குப் பிறகு 5 ஆண்டுகள் கழித்து இயக்கிய திரைப்படம் குருதி ஆட்டம். இந்த படத்தில் அதர்வா மற்றும் பிரியா பவானி சங்கர் ஆகியோர் நடித்திருந்தனர். ஆனால் எதிர்பார்த்த வெற்றியை இந்த திரைப்படம் பெறவில்லை.

இதனால் அவரின் அடுத்த படத்தைத் தொடங்குவதில் தாமதம் ஏற்பட்டது. இதையடுத்து மாவீரன் படத்தைத் தயாரித்த அவர் சாந்தி டாக்கீஸ் தயாரிக்கும் சித்தார்த்தின் 40 ஆவது படத்தை இயக்க ஒப்பந்தம் ஆகியுள்ளார். இந்த படத்தில் சரத்குமார், தேவயானி, மீதா ரகுநாத் மற்றும் சைத்ரா அச்சார் ஆகியோர் முக்கிய வேடத்தில் நடிக்கவுள்ளனர்.

இந்நிலையில் இந்த படத்தின் இசையமைப்பாளராக பாடகர் பாம்பே ஜெயஸ்ரீயீன் மகன் அமரித் ராம்நாத் ஒப்பந்தம் ஆகியுள்ளார். இவர் ஏற்கனவே மலையாளப் படமான வர்ஷங்களுக்கு சேஷம் படத்திற்கு இசையமைத்துள்ளார் என்பது குறிப்பிடத்தக்கது.