விளையாட்டு வீரர்களின் பயோபிக்குகள் இப்போது அதிகளவில் உருவாகி வெற்றி பெற்று வருகின்றன.
நாகார்ஜுனாவின் இளைய மகன் அகில் இப்போது தெலுங்கு சினிமாவில் வளர்ந்து வரும் நடிகராக இருக்கிறார். அவர் நடிப்பில் உருவாகும் புதிய படமான ஏஜெண்ட்டை சுரேந்தர் ரெட்டி இயக்குகிறார். இவர் நடித்து முடித்துள்ள மோஸ்ட் எலிஜிபிள் பேச்சிலர் என்ற படம் ரிலிஸுக்கு தயாராக உள்ளது.
இந்த படத்தின் ப்ரமோஷன் நிகழ்ச்சிகளில் கலந்துகொண்ட அகில் ‘கிரிக்கெட் வீரர் விராட் கோலியின் பயோபிக் உருவானால் அதில் நடிக்க நான் தயாராக இருக்கிறேன்’ எனக் கூறியுள்ளார். ஏற்கனவே தோனியின் பயோபிக்கில் சுஷாந்த் நடித்து அந்த படம் மிகப்பெரிய ஹிட் ஆனது. அதையடுத்து யுவ்ராஜ் சிங், கங்குலி ஆகியோர்களின் பயோபிக் படங்கள் உருவாக்கத்துக்கான பேச்சுவார்த்தை நடந்துவருகிறது.
