ஒரு வழியாக ஷூட்டிங்குக்கு தேதி குறித்த விடாமுயற்சி படக்குழு!

அஜித் தன்னுடைய 62ஆவது படமான விடாமுயற்சி படத்தில் இப்போது கவனம் செலுத்திக் கொண்டிருக்கிறார்.  இந்த திரைப்படத்தை லைகா நிறுவனம் தயாரிக்க, மகிழ்திருமேனி இயக்குகிறார். அனிருத் இசையமைக்கிறார். இந்தபடத்தின் அறிவிப்பு சில மாதங்களுக்கு முன்னே வெளியாகி இருந்தாலும் இன்னும் அடுத்த கட்ட பணிகள் நடக்கவில்லை. ஷூட்டிங் எப்போது என்பதும் தெரியவில்லை.

துணிவு படம் ஜனவரி மாதம் ரிலீஸ் ஆனது. அது ரிலீஸாகி 5 மாதங்கள் ஆகியும் இன்னும் அடுத்த படம் தொடங்கப்படவில்லை. இதனால் அஜித் ரசிகர்கள் அதிருப்தியில் உள்ளனர். இந்நிலையில் இப்போது படம் ஆகஸ்ட் மாதம் தொடங்கும் என சொல்லப்படுகிறது.

இந்நிலையில் இப்போது படத்தின் திரைக்கதை பணிகள் முடிந்துள்ள நிலையில் ஷூட்டிங் தொடங்கும் தேதி குறித்த தகவல் வெளியாகியுள்ளன. ஆகஸ்ட் 21 ஆம் தேதி ஐதராபாத்தில் ஷூட்டிங் தொடங்க உள்ளதாக சொல்லப்படுகிறது. இதற்காக ஐதராபாத்தில் தற்போது அரங்கு அமைக்கும் பணிகள் நடந்து வருவதாக சொல்லப்படுகிறது.