அஜித் தன்னுடைய 62ஆவது படமான விடாமுயற்சி படத்தில் இப்போது கவனம் செலுத்திக் கொண்டிருக்கிறார். இந்த திரைப்படத்தை லைகா நிறுவனம் தயாரிக்க, மகிழ்திருமேனி இயக்குகிறார். அனிருத் இசையமைக்கிறார். இந்தபடத்தின் அறிவிப்பு சில மாதங்களுக்கு முன்னே வெளியாகி இருந்தாலும் இன்னும் அடுத்த கட்ட பணிகள் நடக்கவில்லை. ஷூட்டிங் எப்போது என்பதும் தெரியவில்லை.
துணிவு படம் ஜனவரி மாதம் ரிலீஸ் ஆனது. அது ரிலீஸாகி 5 மாதங்கள் ஆகியும் இன்னும் அடுத்த படம் தொடங்கப்படவில்லை. இதனால் அஜித் ரசிகர்கள் அதிருப்தியில் உள்ளனர். இந்நிலையில் இப்போது படம் ஆகஸ்ட் மாதம் தொடங்கும் என சொல்லப்படுகிறது.
இந்நிலையில் சமீபத்தில் மகிழ் திருமேனி அஜித் மற்றும் தயாரிப்பு நிறுவனமான லைகா ஆகிய இரு தரப்புக்கும் கதையை சொல்லி சம்மதம் வாங்கியுள்ளதாக தகவல்கள் பரவி வருகின்றன. அதனால் அடுத்த கட்ட பணிகள் விறுவிறுப்பாக நடக்கும் என எதிர்பார்க்கலாம்.
