சமீபகாலமாக ஒவ்வொரு படத்துக்கும் இடையே இடைவெளி எடுத்துக்கொண்ட அஜித் தற்போது ஒரே நேரத்தில் விடாமுயற்சி மற்றும் குட் பேட் அக்லி ஆகிய திரைப்படங்களில் நடித்து வருகிறார். இதில் விடாமுயற்சி ஷூட்டிங் நிறைவடைந்துள்ள நிலையில் குட் பேட் அக்லி ஷுட்டிங் இரண்டு கட்டங்கள் நடந்து முடிந்துள்ளது.
ஆதிக் ரவிச்சந்திரன் இயக்கத்தில் உருவாகும் இந்த படத்துக்கு தேவி ஸ்ரீ பிரசாத் இசையமைக்கிறார். தெலுங்கு சினிமாவின் முன்னணி தயாரிப்பு நிறுவனமான மைத்ரி மூவி மேக்கர்ஸ் நிறுவனம் தயாரிக்கிறது. படத்தில் சுனில், அர்ஜுன் தாஸ், பிரசன்னா மற்றும் த்ரிஷா ஆகியோர் முக்கிய வேடங்களில் நடிக்கின்றனர். இந்த படம் பொங்கலுக்கு ரிலீஸாகவுள்ளது.
இந்த படத்தின் ஷூட்டிங் இப்போது பல்கேரியாவில் நடந்து வருகிறது. இந்நிலையில் அஜித் சம்மந்தப்பட்ட காட்சிகள் நாளையோடு படமாக்கி முடிக்கப்பட உள்ளதாக சொல்லப்படுகிறது. அதன் பின்னர் அவர் தன்னுடைய ரேஸுக்கான பயிற்சிகளில் ஈடுபட உள்ளதாக சொல்லப்படுகிறது. ரேஸை முடித்துவிட்டு அவர் மறுபடியும் விடாமுயற்சி ஷூட்டிங்கில் கலந்துகொள்ள உள்ளார்.
