உலகக்கோப்பை கிரிக்கெட் போட்டிகளுக்கான டிக்கெட் விற்பனை: ஒரே நிமிடத்தில் முடங்கிய இணையதளம்..!

உலக கோப்பை கிரிக்கெட் போட்டிக்கான டிக்கெட் விற்பனை இன்று தொடங்கிய நிலையில் ஒரே நிமிடத்தில் இணையதளம் முடங்கி உள்ளதாக தகவல் வெளியாகியுள்ளன. 

அக்டோபர் மாதம் இந்தியாவில் உலககோப்பை கிரிக்கெட் போட்டி நடைபெற இருக்கும் நிலையில் இன்று இந்த போட்டியை நேரில் காண்பதற்கான டிக்கெட் விற்பனை தொடங்கியது. 

இதில் இந்திய போட்டிகளுக்கான டிக்கெட் விற்பனை தொடங்கிய ஒரே நிமிடத்தில் புக் மை ஷோ இணையதளம் முடங்கியதாக தகவல் வெளியாகி உள்ளன.  இதனால் காத்திருப்பு வரிசை முறை கொண்டுவரப்பட்டு போட்டிகளுக்கான டிக்கெட் விற்பனை நடைபெற்று வருவதாக கூறப்படுகிறது. 

இந்திய அணி மோதும் போட்டிகளுக்கான டிக்கெட் விற்பனை இன்னும் ஒரு சில மணி நேரத்தில் விற்று தீர்ந்து விடும் என்று எதிர்பார்க்கப்படுகிறது.

Edited by Mahendran