சர்வதேச கிரிக்கெட் போட்டிகளுக்கான தரவரிசை ஐசிசி அவ்வப்போது வெளியிட்டு வருகிறது. இந்நிலையில் இப்போது பல ஆண்டுகளுக்குப் பிறகு பாகிஸ்தான் ஒருநாள் கிரிக்கெட்டில் மீண்டும் நம்பர் 1 அணியாக முன்னேற்றம் கண்டுள்ளது.
ஆஸ்திரேலிய அணியை ஒருநாள் கிரிக்கெட்டில் நம்பர் ஒன் இடத்திலிருந்து பின்னுக்குத் தள்ளி முதலிடத்தைப் பிடித்துள்ளது பாகிஸ்தான். சமீபத்தில் ஆப்கானிஸ்தான் அணிக்கு எதிரான ஒருநாள் தொடரை வொயிட்வாஷ் செய்ததின் மூலம் நம்பர் 1 இடத்துக்கு முன்னேறியுள்ளது பாகிஸ்தான்.
விரைவில் ஆசியக் கோப்பை தொடர் தொடங்க உள்ள நிலையில் அதற்கு முன்பாக பாகிஸ்தான் அணி ஐசிசி தரவரிசையில் முதல் இடம் பிடித்திருப்பது அந்த அணிக்கு உற்சாகத்தை ஏற்படுத்தியிருக்கும். இந்தியா அணி தரவரிசையில் மூன்றாம் இடத்தில் உள்ள நிலையில் ஆசியக் கோப்பை வென்றால் பாகிஸ்தானுக்கு கடும்போட்டி கொடுக்க வாய்ப்புள்ளது.
