மேற்கிந்தியத் தீவுகள் மற்றும் ஆப்கானிஸ்தான் அணிகளுக்கு இடையே 3 ஒருநாள் போட்டிகள் மற்றும் 3 டி20 போட்டிகள் நடைபெற்று வருகின்றன. இந்த போட்டி தொடர் இந்தியாவில் நடைபெற்று வருகிறது என்பது குறிப்பிடத்தக்கது
இந்த நிலையில் இன்று முதல் ஒருநாள் போட்டி லக்னோவில் நடைபெற்றது. இன்றைய போட்டியில் முதலில் பேட்டிங் செய்த ஆப்கானிஸ்தான் அணி 45.2 ஓவர்களில் அனைத்து விக்கெட்டுகளையும் இழந்து 194 ரன்கள் எடுத்தது. ரஹ்மத் ஷா 67 ரன்களும் இக்ரம் அலிகில் 58 ரன்களும் எடுத்தனர்
இதனை அடுத்து 195 ரன்கள் இலக்கை நோக்கி விளையாடிய மேற்கிந்திய தீவுகள் அணி 46.3 ஓவர்களில் 3 விக்கெட்டுகளை இழந்து 197 ரன்கள் எடுத்து 7 விக்கெட் வித்தியாசத்தில் வெற்றி பெற்றது. சேஸ் மிக அபாரமாக விளையாடி 94 ரன்களும் ஹோப் 77 ரன்களும் எடுத்து அணியின் வெற்றியை உறுதி செய்தனர். சேஸ் இன்றைய போட்டியில் ஆட்டநாயகனாக தேர்வு செய்யப்பட்டார்
இதனை அடுத்து மேற்கிந்திய தீவுகள் அணி 1-0 என்ற புள்ளி கணக்கில் முன்னிலையில் உள்ளது இரு அணிகளுக்கு இடையிலான அடுத்த போட்டி லக்னோவில் வரும் 9ஆம் தேதி நடைபெறும்
