மகளிர் கிரிக்கெட்: ஒருநாள் போட்டிகளில் முதல் முறையாக ஆஸ்திரேலியாவை வீழ்த்திய தென்னாப்பிரிக்கா..!

ஒரு நாள் கிரிக்கெட் போட்டிகளில் தென்னாபிரிக்கா மகளிர் அணி முதல் முறையாக ஆஸ்திரேலியா மகளிர் அணியை வீழ்த்தி வரலாற்று சாதனை படைத்துள்ளது. இதனை அடுத்து அந்த அணிக்கு கிரிக்கெட் ரசிகர்கள் வாழ்த்துக்களை தெரிவித்து வருகின்றனர்.

ஆஸ்திரேலியா மற்றும் தென்னாபிரிக்கா மகளிர் அணிகளுக்கு இடையே இன்று நடைபெற்ற இரண்டாவது ஒருநாள் கிரிக்கெட் போட்டியில் முதலில் பேட்டிங் செய்த தென் ஆப்பிரிக்கா அணி 45 ஓவர்களில் 6 விக்கெட் இழப்பிற்கு 229 ரன்கள் எடுத்தது.

இந்த நிலையில் 230 ரன்கள் என்ற இலக்கை நோக்கி விளையாடிய ஆஸ்திரேலியா அணி தென்னாப்பிரிக்கா வீராங்கனைகளின் பந்துவீச்சை தாக்கு பிடிக்க முடியாமல் 29.3 ஓவரில் 149 ரன்களுக்கு ஆட்டம் இழந்தது. இதனை அடுத்து தென்னாபிரிக்க அணி 84 ரன்கள் வித்தியாசத்தில் அபாரமாக வெற்றி பெற்றது

இதுவரை இரு அணிகளும் 17 முறை மோதியுள்ள நிலையில் 16 முறை ஆஸ்திரேலியாவும் ஒருமுறை தென்னாப்பிரிக்காவும் வென்று உள்ளது என்பது குறிப்பிடத்தக்கது. முதல்முறையாக ஆஸ்திரேலியாவை தென்னாப்பிரிக்கா மகளிர் அணி வென்ற நிலையில் அந்த அணிக்கு வாழ்த்துக்கள் குவிந்து வருகிறது

Edited by Mahendran