ஆஸ்திரேலியாவில் டெஸ்ட் மற்றும் ஒருநாள் தொடரை வென்ற இந்திய கிரிக்கெட் அணி தற்போது நியூசிலாந்து நாட்டில் சுற்றுப்பயணம் செய்து வருகிறது. இன்று நேப்பியர் மைதானத்தில் தொடங்கிய முதல் ஒருநாள் போட்டியில் நியூசிலாந்து அணி டாஸ் வென்று பேட்டிங் தேர்வு செய்தது.
இதனையடுத்து முதல் ஓவரை பந்துவீசிய ஷமி முதல் ஓவரிலேயே குப்தில் விக்கெட்டை வீழ்த்தினார். ஐந்து ரன்களே எடுத்த குப்தில் ஆட்டமிழந்த நிலையில் 4வது ஓவரில் மீண்டும் ஷமி முன்ரோ விக்கெட்டை வீழ்த்தினார்.
இந்த நிலையில் தற்போது நியூசிலாந்து அணி 7 ஓவரக்ளில் 20 ரன்களுக்கு 2 விக்கெட்டுக்களை இழந்து தத்தளித்து வருகிறது. கேப்டன் வில்லியம்சன் 6 ரன்களும், டெய்லர் ஒரு ரன்னும் எடுத்து விளையாடி வருகின்றனர். மூன்று ஓவர்களில் இரண்டு மெய்டன் ஓவர்கள் வீசிய ஷமி 6 ரன்கள் கொடுத்து 2 விக்கெட்டுக்களை வீழ்த்தியுள்ளார்.