சன்ரைசர்ஸ் ஹைதராபாத் அணியின் இணை உரிமையாளரான காவ்யா மாறன், அணி விளையாடும்போதெல்லாம் பார்வையாளர் வரிசையில் காணப்படுவது வழக்கம். ஒரு சில சமயங்களில், காவ்யா அணியின் ஆடை மாற்றும் அறையில் உணர்ச்சிப்பூர்வமான உரைகளை நிகழ்த்துவதையும் காண முடிந்தது.
பொழுதுபோக்கு அல்லது விளையாட்டுத் துறையை சாராத ஒரு உரிமையாளராக இருந்தாலும், காவ்யா தொலைக்காட்சியில் அடிக்கடி தோன்றுகிறார். இதுகுறித்து அவர் ஒரு நேர்காணலில், ’தன்னுடைய விளையாட்டின் மீதான தனது ஆர்வம் காரணமாகவே தான் தொடர்ந்து கேமராமேன்களின் கவனத்தை ஈர்ப்பதாக காவ்யா கூறியுள்ளார்.
"நான் ஹைதராபாத்தில் இருக்கும்போது, எதுவும் செய்ய முடியாது; அங்குதான் நான் அமர்ந்திருக்க வேண்டும். அதுதான் நான் உட்காரக்கூடிய ஒரே இடம். ஆனால், நான் அகமதாபாத் அல்லது சென்னைக்கு சென்றாலும், பல அடி தூரத்தில், ஏதோ ஒரு பெட்டியில் அமர்ந்திருந்தாலும், கேமராமேன் என்னை கண்டுபிடித்துவிடுகிறார். அதனால், அது எப்படி மீம்களாக மாறுகிறது என்பதை நான் புரிந்துகொள்கிறேன்," என்று ஒரு பேட்டியில் காவ்யா மாறன் தெரிவித்தார்.
"சன்ரைசர்ஸ் என்று வரும்போது, நான் உண்மையாகவே என் இதயத்தைக் கையில் வைத்து விளையாட்டை பார்க்கிறேன். நீங்கள் எதையாவது முழு மனதுடன் செய்தால், அதன் வெற்றிகள் மற்றும் தோல்விகளுடன் நீங்கள் தனிப்பட்ட முறையில் இணைவது இயற்கையானது என்று நான் நினைக்கிறேன்," என்று காவ்யா கூறினார்.
