உலக குத்துச்சண்டை கோப்பை.. இந்திய வீரர் தங்கம் வென்று சாதனை..!

பிரேசிலின் பிரேசிலியா நகரில் உலக குத்துச்சண்டை கோப்பை அண்மையில் பிரம்மாண்டமாக நடைபெற்றது. இதில் 19 நாடுகளைச் சேர்ந்த 130 பேர் பங்கேற்றனர்.

இந்த விறுவிறுப்பான போட்டியில், 70 கிலோ எடைப் பிரிவில் இந்திய வீரர் ஹிதேஷ் தனது திறமையை வெளிப்படுத்தி, அரையிறுதியில் பிரான்சைச் சேர்ந்த மகான் டிராரியை 5-0 என  தோற்கடித்து, இறுதிப் போட்டிக்கு முன்னேறினார்.

இறுதியில், அவர் இங்கிலாந்தின் ஒடெல் கமாராவுடன் மோதவிருந்த நிலையில், கமாரா காயம் காரணமாக போட்டியில் இருந்து விலகினார். இதனால், ஹிதேஷ் போட்டியின்றியே தங்கப்பதக்கம் வென்றதாக அறிவிக்கப்பட்டார்.

இந்த வெற்றியின் மூலம், ஹிதேஷ் உலக குத்துச்சண்டை கோப்பை தொடரில் தங்கப்பதக்கம் வென்ற முதல் இந்திய வீரர் என்ற வரலாற்று குரலுக்கு இடமளித்துள்ளார்.

மேலும், இந்த தொடரில் இந்திய அணி ஒட்டுமொத்தமாக 1 தங்கம், 1 வெள்ளி மற்றும் 4 வெண்கலங்கள் என மொத்தம் 6 பதக்கங்களை வென்று பாராட்டை பெற்றுள்ளது.

Edited by Mahendran