இந்திய கிரிக்கெட் வீரர் மகேந்திரசிங் தோனி மீண்டும் உலகளாவிய போட்டிகளில் பங்குபெறுவாரா என்பது குறித்து ஹர்பஜன்சிங் பதிலளித்துள்ளார்.
கடந்த ஆண்டு நடைபெற்ற உலக கோப்பை போட்டியில் இந்திய அணியில் விளையாடிய மகேந்திரசிங் தோனி, அதற்கு பிறகு கிட்டத்தட்ட ஒரு வருட காலமாக எந்த டெஸ்ட் போட்டிகளிலும் கூட பங்கேற்கவில்லை. தற்போது நடைபெற இருந்த ஐபிஎல் போட்டிகளில் தோனி விளையாட இருந்த நிலையில் கொரோனா பிரச்சினைகளால் ஐபிஎல் ஒத்திவைக்கப்பட்டுள்ளது. இதனால் தோனியின் கிரிக்கெட் எதிர்காலம் குறித்து பல்வேறு கருத்துகள் முன்வைக்கப்பட்டு வருகின்றன.
இந்நிலையில் இந்த கருத்துகளுக்கு பதில் அளிக்கும் வகையில் பேசியுள்ள இந்திய கிரிக்கெட் அணியின் பந்து வீச்சாளர் ஹர்பஜன்சிங் “தோனி மிக சிறந்த வீரர். அவரால் முடியுமா? முடியாதா? என்பது குறித்து விவாதிக்க அவசியம் இல்லை. உங்களுக்கு தோனி அவசியம் என்ற எண்ணம் உள்ள பட்சத்தில், அவரும் சம்மதித்தால் 20 ஓவர் உலக கோப்பைக்கான இந்திய அணியில் அவரையும் தேர்வு செய்யலாம்” என கூறியுள்ளார்.
