வெளிநாடுகளில் 101 விக்கெட்… உள்ளூரில் 4 விக்கெட் – பூம்ராவின் வித்தியாசமான சாதனை!

இந்திய கிரிக்கெட் அணியின் நட்சத்திர பந்துவீச்சாளர் ஜாஸ்ப்ரித் பூம்ரா வெளிநாடுகளில் மட்டும் டெஸ்ட் போட்டிகளில் 100 விக்கெட்கள் என்ற மைல்கல் சாதனையைப் படைத்துள்ளார்.

இந்திய கிரிக்கெட் அணியின் வேகப்பந்து வீச்சு கூட்டணி இப்போது உச்சத்தில் உள்ளது. அதில் பூம்ரா குறிப்பிடத்தகும் விதத்தில் ஒருநாள், டெஸ்ட் மற்றும் டி 20 போட்டிகளில் விளையாடி வருகிறார். இந்நிலையில் அவர் நேற்று டெஸ்ட் போட்டிகளில் 100 விக்கெட்களை வெளிநாடுகளில் மட்டும் வீழ்த்தி சாதனைப் படைத்துள்ளார். இதில் ஆச்சர்யம் என்னவென்றால் அவர் மொத்தமாக வீழ்த்திய விக்கெட்களின் எண்ணிக்கை 105. ஆக வெறும் நான்கு விக்கெட்களை மட்டுமே அவர் உள்நாட்டில் வீழ்த்தியுள்ளார். வழக்கமாக பந்துவீச்சாளர்கள் வெளிநாட்டில் விக்கெட் வீழ்த்த தடுமாறுவார்கள். ஆனால் பூம்ரா அதற்கு நேர்மாறாக விக்கெட் வீழ்த்தியுள்ளார்.