ஆசிய விளையாட்டு போட்டிகள்; பதக்க பட்டியலில் 5வது இடத்தில் இந்தியா!

சீனாவில் நடந்து வரும் ஆசிய விளையாட்டு போட்டிகளில் பல நாடுகளும் போட்டியிட்டு வரும் நிலையில் இந்தியா பல விருதுகளை குவித்துள்ளது.

19வது ஆசிய விளையாட்டு போட்டிகள் சீனாவில் தொடங்கி விறுவிறுப்பாக நடைபெற்று வருகிறது. இந்த போட்டியில் இந்திய வீரர்கள், வீராங்கனைகள் பலரும் கலந்து கொண்டு பல பதக்கங்களை வென்று வருகின்றனர். ஆசிய விளையாட்டு போட்டிகளில் டி20 மகளிர் கிரிக்கெட்டில் இலங்கையை வீழ்த்தி இந்திய அணி தங்கம் வென்றது.

தொடர்ந்து ஆற்றலுடன் செயல்பட்டு வரும் இந்திய வீரர்கள், வீராங்கனைகள் இதுவரை மொத்தமாக 6 தங்கம், 8 வெள்ளி, 10 வெண்கலம் என மொத்தம் 24 பதக்கங்களை வென்றுள்ளனர். 45 நாடுகளை சேர்ந்த 12,400 வீர, வீராங்கனைகள் பங்கேற்கும் இந்த போட்டியில் இந்தியா விருதுகள் பட்டியலில் 5வது இடத்தை எட்டிப்பிடித்துள்ளது.

Edit by Prasanth.K