ஆஸ்திரேலியா - ஆப்கானிஸ்தான் போட்டி.. டாஸ் வென்றது யார்? இரு அணியில் என்னென்ன மாற்றம்?

உலக கோப்பை கிரிக்கெட் தொடரில் இன்று ஆஸ்திரேலியா மற்றும் ஆப்கானிஸ்தான் அணிகளுக்கு இடையிலான போட்டி நடைபெற உள்ளது. இந்த போட்டியில் ஆப்கானிஸ்தான் அணி டாஸ் வென்று முதலில் பேட்டிங் செய்ய முடிவு செய்துள்ளது. இதனை அடுத்து ஆப்கானிஸ்தான் பேட்ஸ்மேன்கள் சில நிமிடங்களில் களத்தில் இறங்க உள்ளனர் என்பது குறிப்பிடத்தக்கது.

இன்றைய போட்டி ஆப்கானிஸ்தான் மற்றும் ஆஸ்திரேலியா ஆகிய இரு நாடுகளுக்கும் முக்கியமான போட்டி என்பது குறிப்பிடத்தக்கது. ஆப்கானிஸ்தான் அணி இதுவரை 7 போட்டிகளில் விளையாடி நான்கில் வென்று எட்டு புள்ளிகளுடன் புள்ளி பட்டியலில் ஆறாவது இடத்தில் உள்ளது.

இன்றைய போட்டியில் அந்த அணி வெற்றி பெற்றுவிட்டால் நான்காவது இடத்திற்கு முன்னேறி விடும். இதனை அடுத்து அந்த அணிக்கு அரையிறுதிக்கு செல்ல வாய்ப்பு பிரகாசமாக இருக்கும்.

ஆனால் அதே நேரத்தில் ஆஸ்திரேலியா தற்போது 10 புள்ளிகளுடன் இருப்பதால் இன்றைய போட்டியில் வெற்றி பெற்றால் அடுத்த சுற்று செல்லும் வாய்ப்பை தக்க வைத்துக் கொள்ளும் என்பது குறிப்பிடத்தக்கது.

இந்த நிலையில் ஆஸ்திரேலிய அணியில் மேக்ஸ்வெல் மற்றும் மிட்செல் மார்ஷ் மீண்டும் அணிக்கு திரும்பியுள்ளனர். அதேபோல் ஆப்கானிஸ்தான் அணியில் ஃபரூக்கிற்கு பதில் நவீன் களமிறங்கியுள்ளார்.

Edited by Mahendran