அபிஷேகம் இறையருளைப் பரிபூரணமாகப் பெற்றுத் தரும். அபிஷேக தெய்வ மூர்த்தங்களிலிருந்து அளவிட முடியாத ஆற்றல் வெளிப்படும். அபிஷேகத்தின்போது ‘ஓம்’ என்று தொடங்கி குருக்கள் சொல்லும் மந்திரம் தெய்வ விக்கிரகங்களை அடைந்து மீண்டும் பகதர்களிடம் சேர்கிறது.
மஞ்சள் பொடி: மஞ்சள் பொடியில் அபிஷேகம் செய்தால் ராஜ வசியம் கிடைக்கும். அதாவது அரசாங்க அனுகூலம் கிடைக்கும்.
திரு மஞ்சன பொடி: திரு மஞ்சன பொடியில் அபிஷேகம் செய்தால் கிரக தோஷம் நீங்கும்.
அரிசி மாவு: அரிசி மாவில் அபிஷேகம் செய்தால் கடன் பிரச்சனை விலகும்.
சந்தனாதி தைலம்: வயிறு வலி பிரச்சனையில் அவதிப்படுபவர்கள், சந்தனாதி தைலம் அபிஷேகம் பண்ணுவது நல்லது. ஏனென்றால் சந்தனாதி தைலம் அபிஷேகம் செய்தால் வயிறு உபாதை நீங்கும்.
பஞ்சாமிர்தம்: பஞ்சாமிர்தம் அபிஷேகம் செய்தால் செல்வம் செழித்தோங்கும்.
தேன்: தேனில் அபிஷேகம் செய்தால் நல்ல சரீரம் கிடைகும். மேலும் குரல் வளம் பெருகும்.
நெய்: நெய் அபிஷேகம் செய்பவர்களுக்கு மோட்சத்தை கொடுக்கும்.
பால்: ஆயுள் விருத்தி உண்டாக வேண்டுமென்றால் பால் அபிஷேகம் செய்யுங்கள்.
தயிர்: பிள்ளை பாக்கியம் பெற தயிர் அபிஷேகம் செய்யுங்கள்.
சாத்துக்குடி: துன்பம் இல்லாதவர்களை பார்ப்பது மிகவும் அரிது. ஆகவே துன்பம் விலகி இன்பத்துடன் வாழ வேண்டுமானால் சாத்துக்குடி அபிஷேகம் செய்து வாருங்கள்.
ஆரஞ்சு: நோயற்ற வாழ்வே குறைவற்ற செல்வம் என்பது பழமொழி. இந்த பழமொழிக்கு ஏற்ப நோய் இல்லாமல் ஆரோக்கியமாக வாழவேண்டுமானால் ஆரஞ்சு அபிஷேகம் பண்ணுங்கள்.
கரும்பு சாறு: உங்கள் உடல் நலம் காக்க பட வேண்டுமானால் கரும்புச்சாறு அபிஷேகம் பண்ணுவது சிறந்தது.
எலுமிச்சம் பழம்: எலுமிச்சம் பழம் அபிஷேகம் செய்து வந்தால் எம பயம் நிவிர்த்தியாகும்.
இளநீர்: உயர்ந்த பதவியை விரும்பாதகவர்கள் ஒருவரும் இருக்க முடியாது .உங்களுக்கு நல்ல பதவி கிடைக்க வேண்டுமென்றால் இளநீர் அபிஷேகம் செய்யுங்கள்.
நெல்லி பொடி: நெல்லி பொடி அபிஷேகம் செய்தால் ரோகத்தை போக்கும்.
பன்னீர்: மன அமைதியுடன் சந்தோஷமாக வாழ வேண்டுமானால் சந்தோஷத்தை கொடுக்கும் பன்னீர் அபிஷேகம் செய்யுங்கள்.
சந்தனம்: சந்தனம் கொண்டு அபிஷேகம் செய்தால் கீர்த்தியை கொடுக்கும்.
