தமிழிசையின் பாஜக தலைவர் பொறுப்பை ரஜினி ஏற்கவேண்டுமென பாஜக தலைமை அழுத்தம் கொடுப்பதாக செய்திகள் வெளியாகியுள்ளன.
தமிழகத்தில் பாஜகவின் முகமாக இருந்த தமிழிசை சவுந்தர்ராஜன் தெலங்கானா ஆளுநராக நியமிக்கப்பட்ட பின் அந்த பதவியை ராஜினாமா செய்தார். இந்நிலையில் தமிழகத்தில் பாஜகவின் அடுத்த தலைவராக யார் நியமிக்கப்படுவார் என்ற குழப்பம் எழுந்துள்ளது.
பாஜகவில் உள்ள பிரமுகர்கள் சிலர் நியமிக்கப்பட்டால் அது தற்போதைய நிலையை விட இன்னும் மோசமாகவே அமையும் என்பதால், தமிழகத்தைக் கவரும் முகமாக இருக்க வேண்டுமென பாஜக தலைமை நினைக்கிறது. இதனால் பாஜகவுக்கு நெருங்கிய நட்பு சக்தியாக இருக்கும் ரஜினியை நியமிக்கலாம் என்ற ஆசையோடு அவரை தொடர்பு கொண்டுள்ளதாக தெரிகிறது.
சமீபகாலமாக ரஜினியும் பாஜகவுக்கு ஆதரவான நிலைப்பாட்டை எடுத்து வருவதால் அதற்கான வாய்ப்புகள் அதிகம் என கிசுகிசுக்கப்படுகிறது. ஆனால் ரஜினி பாஜகவின் கோரிக்கையை ஏற்பாரா என்ற சந்தேகம் எழுந்துள்ளது.
