தமிழக பாஜக தலைவராக இருந்தார் தமிழிசை சௌந்தரராஜன் அவர்கள் கடந்த சில மாதங்களுக்கு முன்னர் தெலுங்கானா மாநில கவர்னராக பொறுப்பேற்றார். இதனை அடுத்து கடந்த சில மாதங்களாகவே தமிழக பாஜக தலைவர் இல்லாமல் இயங்கி வருகிறது.
இந்த நிலையில் ஜனவரி மாதத்திற்குள் தமிழக பாஜக தலைவர் பதவிக்கான நபர் அறிவிக்கப்படும் என ஏற்கனவே டெல்லி வட்டாரங்கள் கூறியிருந்தன. தமிழக பாஜக தலைவர் பட்டியலில் கேடி ராகவன், பொன் ராதாகிருஷ்ணன், இல கணேசன், சிபி ராதாகிருஷ்ணன், எஸ்வி சேகர், வானதி ஸ்ரீநிவாசன் உள்ளிட்ட பிரபலங்கள் இருப்பதாக கூறப்பட்டது. சமீபத்தில் கூட எஸ்வி சேகர் தான் பாஜக தலைவராக நியமனம் செய்யப்பட்டால் தமிழகத்தில் பாஜகவை வளர்ப்பேன் என்று கூறியிருந்தார் என்பது குறிப்பிடத்தக்கது
இந்த நிலையில் நாளை தமிழக பாஜக தலைவர் யார் என்பதை பாஜக மேலிடம் அறிவிக்க இருப்பதாக நம்பத்தகுந்த வட்டாரங்களில் இருந்து தகவல்கள் வெளிவந்துள்ளது. இதனை அடுத்து தமிழக பாஜக தலைவர்கள் இடையே பெரும் பரபரப்பு ஏற்பட்டு உள்ளது