தமிழக சட்டமன்ற தேர்தல் நெருங்கி வரும் நிலையில் இன்று காஞ்சிபுரத்தில் இருந்து தனது சுற்றுப்பயணத்தை தொடங்கியுள்ளார் துணை முதலமைச்சர் உதயநிதி ஸ்டாலின்.
தமிழக சட்டமன்ற தேர்தல் நெருங்கி வரும் நிலையில் அரசியல் கட்சிகள் தங்கள் சூறாவளி சுற்றுப்பயணத்தை தொடங்கிவிட்டன. எடப்பாடி பழனிசாமி எழுச்சிப் பயணத்தை வெற்றிகரமாக நடத்தி வருகிறார். தவெக தலைவர் விஜய் தனது சுற்றுப்பயணத்தை திருச்சியில் இருந்து தொடங்க திட்டமிட்டுள்ளார்.
இந்நிலையில் திமுகவும் தனது தேர்தல் நகர்வை தொடங்கியுள்ளது. உதயநிதி ஸ்டாலின் துணை முதல்வராக பொறுப்பேற்றபோதே அடுத்த சட்டமன்ற தேர்தல் அவரை முன்னிறுத்தி திமுக நகர்வதாகவே இருக்கும் என அரசியல் விமர்சகர்களால் கணிக்கப்பட்டது. அந்த வகையில் இன்று தமிழகம் முழுவதும் தொகுதி வாரியான சுற்றுப்பயணத்தை காஞ்சிபுரத்தில் இருந்து தொடங்குகிறார் உதயநிதி.
காஞ்சிபுரம் அண்ணா இல்லத்திற்கு சென்ற அவர் அங்கிருந்து சுற்றுப்பயணத்தை தொடங்கியுள்ளார். அதேசமயம் விஜய்யின் சுற்றுப்பயணத்திற்கு அனுமதி தராமல், உதயநிதி சுற்றுப்பயணம் தீவிரப்படுத்தப்படுவது குறித்து தவெகவினர் கேள்வி எழுப்பத் தொடங்கியுள்ளனர். இது சட்டமன்ற தேர்தலில் உதய் - விஜய் என்ற போட்டியை உருவாக்குமா என்ற கேள்வியும் எழுந்துள்ளது.
Edit by Prasanth.K
