JEE- NEET தேர்வுக்கான syllabus-ஐ குறைக்க மத்திய அரசு நடவடிக்கை எடுக்க வேண்டும் என உதயநிதி ஸ்டாலின் தெரிவித்துள்ளார்.
இது குறித்து உதயநிதி ஸ்டாலின் தனது டிவிட்டர் பக்கத்தில் இது குறித்து பின்வருமாறு பதிவிட்டுள்ளார். கொரோனாவால் பள்ளிகள் முழுமையாக திறக்கப்படவில்லை. ஆன்லைன் வகுப்பு மட்டுமே. ஆசிரியர்-மாணவர் நேரடி தொடர்பில் இல்லை. CBSE-யும், மாநில கல்வித்துறையும் பாடத்திட்டத்தை குறைத்துள்ளன. ஆனால் JEE & NEET தேர்வுகளுக்கான syllabus-ஐ குறைக்க முடியாதென மத்திய கல்வி அமைச்சர் சொல்வது அபத்தமானது.
ஏற்கனவே, நீட் மாணவரை கொல்கிறது. பயிற்சி மையங்கள் கூட செயல்படாத இந்நேரத்தில், ஆசிரியர்கள் நடத்தாத பாடத்திலிருந்தும் கேள்விகள் கேட்கப்படும் என்பது மாணவர்களை மேலும் மன அழுத்தத்துக்கு ஆளாக்கும். எனவே, JEE- NEET தேர்வுக்கான syllabus-ஐ குறைக்க மத்திய அரசு நடவடிக்கை எடுக்க வேண்டும்.
