Select Your Language

Notifications

webdunia
webdunia
webdunia
webdunia

புது புது வேஷம் கட்டும் திமுக - டிடிவி தினகரன் கண்டனம்!

Advertiesment
TTV Dhinakaran
, திங்கள், 20 டிசம்பர் 2021 (16:04 IST)
வாக்குறுதிகளை நிறைவேற்றாமல் தப்பிக்க முயற்சிப்பதா என திமுகவுக்கு டிடிவி தினகரன் கண்டனம் தெரிவித்துள்ளார். 

 
இது குறித்து அவர் தனது சமூக வலைத்தளப்பக்கத்தில் பதிவிட்டுள்ளதாவது, ஆட்சிக்கு வருவதற்கு முன்பு, அதைச் செய்து விடுவோம் இதைச் செய்து விடுவோம் என வீராவேசமாக பேசிவிட்டு  பதவிக்கு வந்தபிறகு, மத்திய அரசுக்கு கொத்தடிமையாக இருக்கிறோம் என்று புதிய வேஷம் கட்டுவது திமுகவின் வழக்கமாக இருக்கிறது. 
 
இவர்களின் இயலாமையை மறைக்க அன்றைக்கு திரு.கருணாநிதி செய்ததை இப்போது திரு. ஸ்டாலினும் செய்கிறார். அரசு ஊழியர் சங்க மாநாட்டில் இப்படி ஓர் அடிமை ராகத்தை அவர் இசைத்திருக்கிறார். 
 
அரசாங்கத்திற்கு 5 லட்சம் கோடி ரூபாய் கடன் இருப்பது தேர்தல் நேரத்தில் இஷ்டப்படி வாக்குறுதிகளை அள்ளி வீசிய  போது திரு.ஸ்டாலினுக்குத்  தெரியாதா?  தமிழ்நாட்டின் ஆட்சிப்பொறுப்பு மட்டுமின்றி, நாடாளுமன்றத்தின் இரு அவைகளிலும் 40க்கும் மேற்பட்ட எம்.பிக்களை வைத்திருக்கிற ஒரு கட்சியின் தலைவர் இப்படி சுய பச்சாதாபம் தேடி வாக்குறுதிகளை நிறைவேற்றாமல் தப்பிக்க  முயற்சிக்கலாமா? எத்தனை காலம்தான் ஏமாற்றுவார் இந்த நாட்டிலே, தமிழ்நாட்டிலே“என்ற புரட்சித்தலைவர் எம்.ஜி.ஆர் படத்தின் பாடல் தான் நினைவுக்கு வருகிறது என பதிவிட்டுள்ளார். 

Share this Story:

Follow Webdunia tamil

அடுத்த கட்டுரையில்

வேதா இல்லம் வழக்கு; மேல்முறையீடு செய்யமாட்டோம்! – தமிழக அரசு பதில்!