தமிழகத்தில் உள்ள பள்ளிகளில் ஏற்கனவே 10, 11, 12 ஆகிய வகுப்புகளுக்கு பொதுத் தேர்வு நடைபெற்று வரும் நிலையில் வரும் கல்வி ஆண்டு முதல் 5ஆம் வகுப்பு மற்றும் 8ஆம் வகுப்புகளுக்கும் பொதுத் தேர்வு நடைபெற இருப்பதாக தமிழக அரசு தெரிவித்திருந்தது என்பது குறிப்பிடத்தக்கது
இதனையடுத்து 5 மற்றும் 8ஆம் வகுப்பு பொதுத் தேர்வு கால அட்டவணை தற்போது வெளியாகியுள்ளது. இதன்படி ஏப்ரல் 15ஆம் தேதி தமிழ், ஏப்ரல் 17ஆம் தேதி ஆங்கிலம், ஏப்ரல் 20-ஆம் தேதி கணிதம் ஆகிய தேர்வுகள் நடைபெறவுள்ளன
அதேபோல் 8ஆம் வகுப்பிற்கான பொதுத் தேர்வு மார்ச் 30ஆம் தேதி தமிழ், ஏப்ரல் 2ம் தேதி ஆங்கிலம் மற்றும் ஏப்ரல் 8ஆம் தேதி கணிதம் ஆகிய தேர்வுகள் நடைபெற உள்ளது. மேலும் ஏப்ரல் 15ஆம் தேதி அறிவியல், ஏப்ரல் 17ஆம் தேதி சமூக அறிவியல் தேர்வுகள் நடைபெற உள்ளதாக பள்ளிகல்வித்துறை அறிவித்துள்ளது
ஏற்கனவே ஐந்தாம் மற்றும் எட்டாம் வகுப்புகளுக்கு பொதுத்தேர்வு நடத்தப்படுவதை கண்டித்து எதிர்க்கட்சிகளும், சமூக நல ஆர்வலர்களும் போராட்டம் நடத்தி வரும் நிலையில், தமிழக அரசு அதனை கண்டுகொள்ளாமல் பொதுத் தேர்வு கால அட்டவணையை வெளியிட்டுள்ளது என்பது குறிப்பிடத்தக்கது
