தமிழகத்தில் கடந்த சில நாட்களாக வெயிலின் தாக்கம் அதிகரித்துள்ள நிலையில் மெல்ல குறைய வாய்ப்புள்ளதாக வானிலை ஆய்வு மையம் தெரிவித்துள்ளது.
தமிழகத்தில் கோடைக்காலம் தொடங்கியுள்ள நிலையில் பல்வேறு பகுதிகளில் வெயிலின் தாக்கம் அதிகரித்துள்ளது. அதிகபட்சமாக மதுரை, காஞ்சிபுரத்தில் 107 டிகிரி பாரன்ஹீட் வெப்பநிலை பதிவாகியுள்ளது. திருச்சி, அரியலூரில் 106 டிகிரியும், சேலத்தில் 105 டிகிரி பாரன்ஹீட் வெப்பநிலையும் பதிவாகியுள்ளது. இதேபோல் தருமபுரி, கோவில்பட்டி, பெரியகுளம், திருத்தணி, நெய்வேலி உள்ளிட்ட பகுதிகளிலும் வெப்பநிலை 100 டிகிரி பாரன்ஹீட்டை தாண்டி இருந்துள்ளது.
இந்நிலையில் தெற்கு மற்றும் தென்கிழக்கு பகுதிகளில் இருந்து காற்று வீச வாய்ப்புள்ளதால் தமிழகத்தில் பல பகுதிகளில் வெப்பநிலை 2 முதல் 3 டிகிரி செல்சியஸ் வரை வெப்பநிலை குறைய வாய்ப்புள்ளதாக வானிலை ஆய்வு மையம் தெரிவித்துள்ளது.
