அமமுக பொதுச்செயலாளர் டிடிவி தினகரன் நேற்று செய்தியாளர்களிடம் பேசியபோது, பாஜகவின் கிளைக்கட்சியாக அதிமுக செயல்பட்டு வருவதாகவும், இதனால் அதிமுக கொடியின் நடுவில் காவியை சேர்த்து கொண்டால் பொருத்தமாக இருக்கும் என்றும் கூறினார்.
டிடிவி தினகரனின் இந்த கருத்துக்கு ஏற்கனவே அதிமுக தலைவர்கள் கண்டனம் தெரிவித்துள்ள நிலையில் இன்று தமிழக பாஜக தலைவர் தமிழிசை செளந்திரராஜன் தனது டுவிட்டர் பக்கத்தில் இதுகுறித்து கிண்டலுடன் கூடிய ஒரு டுவீட்டை பதிவு செய்துள்ளார். அதில் அவர் கூறியிருப்பதாவது:
'டிடிவி தினகரன் கட்சி அமமுக தேர்தல் சின்னமாக பரிசு பெட்டிக்குப்பதில் பெங்களூர் சிறைக்கதவுகளை சின்னமாக கேட்டுபெறலாமே? என்று தமிழிசை கூறியுள்ளார். தமிழிசையின் இந்த டுவிட்டுக்கு ஆதரவும் கிண்டலான விமர்சனங்களும் பதிவாகி வருகிறது.
