எண்ணூரில் நடிகர் எஸ்.வி சேகர் விழா ஒன்றில் பேசியபோது ஸ்பீக்கர் வெடித்து சிதறியதால் பரபரப்பு ஏற்பட்டது.
சென்னை எண்ணூரில் செயல்பட்டுவரும் அரசு மேல்நிலை பள்ளியில், நேற்று நலத்திட்ட உதவிகள் வழங்கும் விழா நடைபெற்றது. இந்த விழாவிற்கு சிறப்பு விருந்தினராக நடிகரும், பாஜக கட்சியின் பிரமுகருமான எஸ்.வி.சேகர் வந்திருந்தார். பல்வேறு போட்டிகளில் வெற்றி பெற்ற மாணவ மாணவிகளுக்கு அவர் பரிசளித்தார்.
பின்னர் அவர் மைக்கில் மாணவர்களிடையே பேசிக் கொண்டிருந்தார். அப்போது அங்கிருந்த ஸ்பீக்கர் பலத்த சத்தத்துடன் வெடித்து சிதறியது. இதனால் அங்கிருந்தவர்கள் சிதறி ஓடினார்கள். பின் அந்த கோளாறு சரிசெய்யப்பட்டு எஸ்.வி.சேகர் தனது உரையை முடித்தார். இந்த திடீர் சம்பவத்தால் அந்த பகுதியே பரபரப்பாக காணப்பட்டது.
